لطفي دوبل كانون ( آمنت بالله )

لا إله إلا الله، هذه الكلمة...
تحطها فالظلمة، وحدها راها تلمع
عينك تدمع... لوكان تعرف قيمتها
والجبال منها تريب... من السطح حتى لقمتها
اقبضها بقوة... هذه عقيدة العباد
عبارة سامبل... فيها نفي وإثبات
لا وجود إلا لرب الوجود
خالق النجوم، وهازم كل الجنود
مدبر هاذ الكون، من لي طون للميكرون
من لي ميليي د الكيلومتر، حتى للمليي تاع الأنقشتروم
شاك كونتينول فلمول
شاك ماتيار، شاك اتوم
شاك سيليول، شاك نورون
شاك ميتوكوندر اللي في الكور
كل حاجة عندها رول
كل حاجة خلاها تدور
كل حاجة اي معجزة
من البول سيد للبول نورد
هذا هو النور اللي ضوا قلبي و خلاه
يركع لربي ويقول آمنت بالله

آمنت بمحمد رسول ونبي
وصللنا الإسلام السينونيم تاع لا بي
أشهد أن مالا راو بلغ الأمانة
راو أدى الرسالة، وعلى الصراط آو وصانا
على جالنا...
شحال حمل الهجرة والطرد
حمل الجوع، الشر
حمل الشتم، ومام الضرب
دار الحرب ضد الباطل وجامي بطل
علاه ربي قالو...
الشان تاعك هو الأبتر
علمنا باللي هذا الدين راو دار رحمة
و بلي هذه الحياة أي عبارة عن رحلة
ساعات تحلا، وسعات آي فيها ألف ان محنة
واللي يحكم في الحق، هذاك هو اللي راح يربحها
علمنا باللي هذه الدنيا راهي نعمة
ربي يملك كلش، وحاجة ماراهي تاعنا
حتى روحك، آو ربي اللي عطاها الشي هذا
ما تكونش من الناس اللي يعرفوه غير وقت الشدة

آمنت باللي الموت... راهي حق
وبلي يجي نهار في القبر راح نتحط
وبلي نزيد نحيا في الفراش اللي معبي دود
وبلي ننوضو كل كالفراش المبثوث
يوم فزع، ولا يوم إطمئنان ؟
وحايد في الظلمات، وحايد راهم في الضلال
وحايد راهم في فرحة، وحايد راهم في حسرة
وحايد راهي رابحة، ووحايد راهي خاسرة
هذا اليوم اللي بزاف الناس نساتوا
القلوب آي في الحناجر ، اللي والا يستنى دالتوا
تخرج الصحف، وتكشف الأعمال
التم تبلى السرائر، وتبدا الأهوال
عمرك فاه ضاع ؟
قلبك شكون طاع ؟
وقتك فاه طاح ؟
ومالك فاه راح ؟
يا ويلو صح هذاك اللي قال كل صباح
لا إله إلا الله